CONCELLO

Polo límite da cidade de Pontevedra, marcado polo Río Lérez e a ponte da Barca, esténdese a parroquia de San Salvador, coñecida como “Poio pequeño”, que vén constituír unha continuación da cidade pontevedresa, sobre todo polos núcleos da Caeira e A Barca, aínda que o que dá e segue dando nome a esta parroquia é o lugar de Portosanto, pois nel sinálase a casa onde se di que naceu Cristobal Colón.